Jane Eyre has been translated into many languages... including Cornish:
by Charlotte Brontë
Illustrated by Edmund H Garrett, E.M. Wimperis
Translated by Nicholas Williams
Evertype (November 1, 2020)
ISBN-13 : 978-1782012788
Yth yw an novel gerys dâ-ma ow whythra an bêwnans a venyn yonk dhyworth hy floholeth yêyn hag anwhek bys in hy devedhyans dhe oos leundevys ha'n egydnans a'y herensa dhown rag Mêster Rochester, perhednek Hel Thornfield. I'n descrefans a'n hapnyansow ha'n prederow wàr jy usy worth aga sewya, yma an pooslev wàr an dysplegyans lent a aswonvos moral ha spyrysek Jane; yth yw pùb wharvedhyans paintys in mes dre grefter o kyns an lyver-ma an negys a brydydhieth. Jane Eyre, an novel, a jaunjyas yn tien an art a screfa. Charlotte Brontë re beu henwys "kensa istoryan a brederow an golon," hag indelha yth yw hy an ragresores a screforyon kepar ha Marcel Proust ha James Joyce. Yma brusyans socyal dhe redya i'n lyver kefrÿs hag in y gres warneth fast a ewnhenseth Cristyon. Yma lies crytycor ow consydra an novel-ma dhe vos fest avauncys rag y oos, dre rêson a natur dybarow Jane hy honen hag inwedh awos an fordh may ma dyghtys ino classygieth, carnalyta, crejyans ha femynystieth avarr.
0 comments:
Post a Comment